"विदेशी शक्तिहरु २०४७ को संविधानलाई स्थापित गर्न सक्रिय"

सूचना तथा सञ्चार मन्त्री कृष्ण वहादुर महराले देशी विदेशी शक्तिहरु मिलेर २०४७ को संविधानलाई स्थापित गर्न सक्रिय रहेको वताउनु भएको छ ।
उहाँले यो उनीहरुको दिवा सपना मात्र भएको जनाउँदै अवको संविधान जनमुखी उत्पीडित जनताको हितमा हुनु पर्नेमा जोड दिनुभयो । शनिबार राजधानीमा गणतान्त्रिक सम्पर्क मञ्च समन्वय समिति परिवारद्वारा आयोजित एकता केन्द्रभेला कार्यक्रममा वोल्दै संचारमन्त्री महराले अबको राजनितीक प्रणाली कस्तो हुने भन्ने विषयलाई केन्द्रविन्दुमा राखेर अगाडी वढ्न सबै न्याय प्रेमी जनता, कार्यकर्ता र राष्ट्रप्रेमी सवैमा अनुरोध गर्नुभयो । कार्यक्रममा वोल्दै महराले नेपाली माटो सुहाउँदो संघियता, राष्ट्रियतामा आधारित हुनुपर्ने र यसो भएमा मात्र जनताको गणतन्त्र हुने कार्यक्रममा एकिकृतत नेकपा माओवादीका नारायण काजी श्रेष्ठ, कृष्ण केशी, झक्कु प्रसाद सुवेदी लगायतले वोलेका थिए ।