एमाले अनिर्णित, स्थायी समितिको वैठक आज

नेकपा एमालेले प्रधानसेनापति प्रकरणमा शुक्रबार कुनै निर्णय लिन सकेन ।एमालेको संस्थागत धारणाका विषयमा अन्यौल कायम रहेका बेला राजधानीमा उपलब्ध केन्द्रिय सदस्यहरुको शुक्रबार बसेको बैठक सकिएको छ ।आज बस्ने स्थायी समितिको बैठकले आधिकारक धारणा बाहिर ल्याउने बैठक पछि नेताहरुले सञ्चारकर्मीलाई जानकारी दिएका छन् । हिजो बसेको वैठकमा केन्द्रिय सदस्यहरुले आ आफ्‍ना धारणा राखेका थिए ।

सोही क्रममा प्रस्तुत धारणाका आधारमा शनिबार बस्ने स्थायी समितिको बैठकले पार्टीको धारणा सार्वजानिक गर्ने एमाले अध्यक्ष झलनाथ खनालले बताएका छन् भने उपाध्यक्ष बामदेवले स्पस्टीकरण सोध्ने सन्दर्भमा पार्टीको सर्मथन रहेको दावी गरे । अर्का वरिष्ठ नेता के पी शर्मा ओलीले भने स्पस्टीकरणको मुद्दामा नअल्झिइ अन्य तर्फ लाग्न सरकार र पार्टीलाई आग्रह गरे । आज बसेको केन्द्रिय समितिको बैठकमा ७७ जनाको उपस्थिति रहेको थियो ।
वैठकमा नेताहरुबीच बिबाद भएपछि शुक्रबार नै बस्ने भनिएको स्थायी समतिको वैठक शनिबार सम्मका लागि बस्ने स्रोतले जानकारी दिएको छ ।