असमझदारीले शान्ति प्रक्रियामा नकारात्मक असर पर्नसक्छ- प्रधानमन्त्री

काठमाडौं, अप्रिल २४ । प्रधानमन्त्री प्रचण्डले बढ्दो असमझदारीले शान्ति प्रक्रियामा नकारात्मक असर पर्ने खतरा औल्याएका छन् । आज राजधानीको टुंडिखेलमा लोकतन्त्र दिवसमा बोल्दै बढ्दो असमझदारी अन्त गर्न सहकार्यमा जोड दिए । उनले भने, 'कतै हामीबीचको असमझदारीले शान्ति प्रक्रियानै असफल हुने त होइन ।' उनले संविधान निर्माणमा दलहरुबीच सहकार्यको विकल्प नभएको बताए । आपसी सहमतिबाट अगाडि बढ्न अन्य दललाई समेत प्रधानमन्त्रीले आग्रह गरे ।