प्रधानसेनापति प्रकरणलाई लिएर कांग्रेस सडकमा

प्रधानसेनापति प्रकरणलाई लिएर मुलुकको राजनैतिक सरगर्मी बढिरहेका बेला प्रमुख प्रतिपक्ष नेपाली कांग्रेस माओवादीलाई दवाव दिन सडकमा जाने भएको छ ।
राजनैतिक सहमतिविना नै सरकारले प्रधानसेनापतिमाथि कारबाही गरे काग्रेंसले अन्य सोर्ह दललाई लिएर आन्दोलन गर्ने निर्णय गरेको हो ।
पार्टी केन्द्रिय कार्यालय सानेपामा मंगलवार बसेको केन्द्रिय समितिको बैठकले बुधबारदेखि नै आफू मातहतका सबै निकायसंग छलफल गरी विरोधका कार्यक्रम सार्वजानिक गर्ने जनाएको छ । कांग्रेस प्रवक्ता अर्जुननरसिह केसीले बैठकपछि संचारकर्मीसंग कुरा गर्दै भन्नुभयो " सत्ता कब्जा गर्ने नियतले सुरु गरिएको सेनापति प्रकरणलाई रोक्न सडक आन्दोलन गर्न लागिएको हो । नेता केसीले माओवादीका नेताले कांग्रेस समेत सरकारमा सहभागि हुदैछ भन्ने हल्ला भ्रम सिर्जना गर्ने चालवाजी भएको बताउदै सैन्यवादी सोचको सरकारमा कांग्रेस सहभागी नहुने समेत बताए । मंगलवार बसेको बैठकमा करिब एक दर्जन नेताहरुले माओवादी निर्णयविरुद्ध कडा आन्दोलन गनुपर्ने बताउनु भएको थियो भने प्रधानसेनापतिमाथि कारबाहीको पक्षमा मत व्यक्त गर्दै हिड्नुभएकी कोईरालापुत्री सुजाता भने बैठक शुरु भएलगतै बाहिरिनु भएको थियो । उहाँले राख्दै आएको अभिव्यक्ति बैठकमा आलोचना भएको थियो । नेतृ कोइरालाको पछिल्लो समयमा व्यक्त अभिव्यक्तिलाई निकै चासोका साथ हेरिएको छ । उहाँ बाहेकका कोहि पनि कंग्रेस नेताले कारबाहीको पक्षमा बोलेका छैनन् ।