छोरीलाई सरकारको नेतृत्व गराउन कोइरालालाई अप्ठेरो

कांग्रेस सभापति गिरिजाप्रसाद कोइरालाको पार्टीको नेतृत्व गरेर छोरी सुजातालाई सरकारमा पठाउने इच्छामा ठेस लागेको छ । उहाँलाई स्वेच्छिक निर्णय नर्गन नेताहरुले सुझाव दिएका छन् । केन्द्रिय समितिले पनि सोही बिषयमा दवाव दिएको छ ।
शनिबार दिनभर पार्टी कार्यालय बल्खुमा बसेको केन्द्रीय समितिको बैठकले सरकारमा कसकसलाई पठाउने भन्ने बिषयमा कोइरालालाई जिम्मा दिएपछि उहाँले पार्टीका बरिष्ठ नेताहरुसँग छलफल थाल्नुभएको थियो ।
उहाँले कावा सभापति शुशील कोइराला, शेरबहादुर देउवा, रामचन्द्र पौडेल लगायतका नेताहरुसँग छलफल गर्नुभएको थियो ।
सो अबसरमा नेताहरुले पार्टी उपसभापतिमध्येबाट सरकारको नेतृत्व गर्न उपयुक्त हुने तर्क राखेको स्रोतले जानकारी दिएको छ । पार्टीमा अहिले रामचन्द्र पौडेल, प्रकाशमान सिंह र गोपालमान श्रेष्ठ उपसभापति रहेका छन्‍f । सुजाताले नेतृत्व नगरेपनि महत्वपूर्ण मन्त्रालयको साथमा सरकारमा जाने सक्ने स्रोतले जानकारी दिएको छ । सो बिषयमा थप आन्तरिक छलफलहरु जारी रहेका छन्‍f ।