प्रधानमन्त्रीको उम्मेदवारमा नेपालको मनोनयन दर्ता

९ जेठ, काठमाण्डौं ।

आज हुने प्रधानमन्त्री पदको निर्वाचनका लागि एमाले वरिष्ठ नेता माधवकुमार नेपालको नाम दर्ता गरिएको छ ।नेपाली कांग्रेसका सभापति गिरिजाप्रसाद कोइराला र बरिष्ठ नेता शेरबहादुर देउवा प्रस्तावक रहेको मनोनयनमा एमाले अध्यक्ष झलनाथ खनालसहित २२ जना समर्थक रहेका छन् । यस्तै स्वतन्त्र सभासद बबन सिंह र सदरुल मियाँ हकले पनि नेपाललाई समर्थन गरेका छन् ।अपरान्ह १ बजेसम्म मनोनयन दर्ता गराएपछि तीन बजे सुरु हुने संबिधानसभाको वैठकमा प्रधानमन्त्रीको निर्वाचन हुने कार्यतालिका संसद सचिवालयले तय गरेको छ ।
यता माओवादीले भने प्रधानमन्त्रीको निर्वाचन प्रकृया बहिस्कार गर्ने भएको छ । माओवादीले प्रधानमन्त्रीको उम्मेदवार नउठाएपछि नेता नेपाल निर्बिरोध हुने देखिएको छ ।