माधव नेपाल गृह जिल्लातिर

नवनियुक्त प्रधानमन्त्री माधवकुमार नेपाल गृहजिल्लातिर जानुभएको छ । उहाँ बिहान १० बजे त्यसतर्फ प्रस्थान गर्नुभएको हो ।
उहाँले अध्ययन गरेको चन्द्रनिगाहापुरको जनज्योति बिद्यालयले आयोजना गर्ने स्वागत कार्यक्रम र सदरमुकाम गौरमा सम्मान कार्यक्रममा सहभागी भई पार्टीका नेता तथा कार्यकर्तालाई भेटघाट गर्ने कार्यक्रम रहेको छ । साथै उहाँले त्यहाँ रहेका सरकारी निकायका कर्मचारीहरुलाई पनि निर्देशन दिने पनि बताइएको छ ।
त्यसपछि उहाँ कोशी बाँधमा पुगेर त्यहाँको अबस्था बारे जानकारी लिने प्रधानमन्त्री स्रोतले जानकारी दिएको छ ।