सेनापति नहटाउन भारतको चर्को दवाव, खनाललाई मुखर्जीको टेलिफोन

भारतीय बिदेशमन्त्री प्रण् मुखर्जीले चीन भ्रमणमा रहेका एमाले अध्यक्ष झलनाथ खनाललाई टेलिफोनमार्फत प्रधानसेनापति कटवालको पक्षमा लाग्न दवाव दिएको बुझिएको छ ।
बिहान भारतीय राजदूतावास मार्फत कन्फरेन्स कलको सहयोगमा चीनमा रहेका खनालसँग उहाँले सरकारी निर्णयको बिरोध गर्न अनुरोध गनुभएको हो । उहाँले सरकारी निर्णय राम्रो नभएकाले त्यसको प्रतिवाद गर्न भनेको भारतीय राजदूतावास स्रोतले दावी गरेको छ । खनालले भने यो नेपालको आन्तरिक मामला भएको र सबै कुरा छलफलपछि मात्रै टुङ्गो लाग्ने बताएको स्रोतले बुझिएको छ । भारतीय राजदूत राकेश सुदले स्पष्टीकरण प्रकरणमा पाँचपटक भन्दा बढी प्रधानमन्त्रीलाई भेटी सक्नुभएको छ ।
सुदले प्रधानसेनापतिलाई कारवाही नगर्न अनुरोध गरेको र प्रधानमन्त्रीले यो आन्तरिक मामिला भएकाले त्यसमा प्रतिक्रिया नजनाउन अनुरोध गरेको प्रधानमन्त्री स्रोतले दावी गरेको छ ।